ايهرب ايهرب …
مني عارفه كيف ابدا وايش اقول وايش اخلي
ليا فتره طويله وانا اطلب من ايهرب في اشيا خلصتها وطلبتها تاني وفي اشيا مازلت استعملها راح اقسم التدوينه بارتين
بارت فيه تجربتي مع المنتجات الي اشتريتها من زمان واستعملتها وخلصت والبارت التاني فيه مشترياتي والانطباع الاول لبعضها ..
بسم الله نبدا
….
اول شي موقع ايهرب عالم مره كبير كل ماابحرتي فيه تلاقي شي جديد عشان كده اذا انتي تحبي تجربي اشيا جديده ابحثي واقراي وشوفي الي جربوها افضل اقل شي شوفي تقييم المنتج في الموقع واقراي ريفيوهات الي اشترو ..
ايش افضل شي ممكن تشتريه ؟؟؟؟
المكملات العضويه زي حبوب الشيا والشوفان بانواعو دا اكتر شي استفدتو من الموقع لانو عندنا مستحيل وفين وفين الاقي سوبر ماركت يوفر دي الاشيا
كيف الطلب والشحن ؟؟…
ايهرب يعتبر من اسهل المواقع الي ممكن تطلبي منها ممكن يكون صعب للي مايفهم انجلش تمام يعني ماحيعرف يدور على منتج كيف يطلعو وكده
دا رابط iherb وراح احاول احط رابط كل منتج او مجموعه منتجات عشان تشوفو اسعارها مكتوبه بالدولار اضربو في ٤ ويديكي بعملتنا
الحمدالله ماقد واجهت مشاكل مع شحنهم جدا سريع بالكتير اسبوع ونص وتلاقي طلبيتك وصلت طبعا تجي من امريكا وتنشحن على دي اتش ال في مكه توصل لفرع النزهه ولازم احد يستلم الطلبيه من عندهم
تغليفهم ممتاز مع انو كتير يشتكو انو في اشيا توصلهم مفتوحه او شي انكب او انكسر بحاول قد مااقدر الي اسمع انها تنكسر مااطلبها مع انو ودي .. زي العسل الابيض تبعهم مره نفسي اطلبو 
😕
😕
دا الرابط تبعو
ماحتكلم في التدوينه دي عن الميك اب ابدا
رغم انو ايهرب يوفر منتجات ايلف وريل تكنيك بس الصراحه نادرا مااطلب ميك اب منو يمكن مره وحده طلبت لاني قد طلبت منتجات ايلف من موقعهم وريل تكنيك برضو من موقعهم
رغم انو ايهرب يوفر منتجات ايلف وريل تكنيك بس الصراحه نادرا مااطلب ميك اب منو يمكن مره وحده طلبت لاني قد طلبت منتجات ايلف من موقعهم وريل تكنيك برضو من موقعهم
افضّل اني اطلب من ايهرب الاشياء الي احتاجها كعنايه ومكملات غذائيه خاصه الي ماهي متوفره عندنا
بالتالي راح اتكلم عن اشياء ايهرب الي جربتها من ناحيتين
-منتجات العنايه
-المكملات الغذائيه
اول شي
منتجات العنايه ( بشره_جسم _ شعر )
الزيوت الرابط لاغلب الزيوت
افضل شي ممكن تشتريه من ايهرب لانها كلها عضويه واصليه تضمني مافي شي مغشوش
زيت الافوكادو
حلو للشعر تقيل شويه بس مفعولو كويس للفروه ولاطراف الشعر ريحتو عاديه احب اخلطو مع نوع تاني لشعري
زيت الجوجوبا او الهوهوبا
ممتاز جدا مااستغني عنو ولاحظت مايخرب لون الصبغه يحافظ عليها ويرطب اطراف الشعر ريحتو شويه مو حلوه بس مقبوله😕 مره حطيت وبعدو بيوم كان عندي مناسبه ورحت صالون استشور لقيت الي تستشورلي كنها قالبه وشها وحسيت من ريحة الزيت قلت في خاطري عاد اهون من الخلطات وزيت املا 
زيت المشمش
برضو كتبت عنو بوست في الانستا شيكو عليه ( مو مره ماافكر اطلبو تاني )
زيت الكوكونت الرابط
️️️
مررره حبيبي دا احبو ولو خلص حاخد الي اكبر منو بس لاحظت الشركه دي الي عندي مررره مالو ريحه ودا احلى شي فيه طبعا مهما قلت عن فوايدو ماحوفي حقه وترا استعملتو لوجهي ولترطيب جسمي ولشعري الفروه واطراف الشعر وكمان استعملتو في الطبخ سويت بيه كوكيز ووافل ️ 
كان مرره لزيز
️ كان مرره لزيز
يعني الصراحه بتاع كلو وافضل من كل الانواع المتوفره عندنا (جربت من باراشوت كذا نوع )
وافضل من كل الانواع المتوفره عندنا (جربت من باراشوت كذا نوع )زيت اللوز
كتبت عنو بوست في حسابي الانستا الزبده مرره احبو ومااقدر استغنى عنو ابدا ابدا لبشرة وجهي وجسمي
زيت الجلسرين
طلبتو عشان لو بسوي خلطات لوجهي تقيل مرره ويدبق ومزعج اخلطو مع الليمون والسكر واسوي بيه سكرب او زيت الجلسرين والليمون لتفتيح المناطق الغامقه( طبعا سويتها مره في السنه)
) زيت المكادميا الرابط
حلو وعادي ريحتو حلوه زي ريحه المكسرات الخفيفه جربتو كم مره لشعري حعتمده لايلان بما انو خفيف
ريحتو حلوه زي ريحه المكسرات الخفيفه جربتو كم مره لشعري حعتمده لايلان بما انو خفيفاخر شي زيت فيتامين اي
كنت بطلب الكبير بس كان اوت اوف ستوك
وطلبت الصغير طلع مره صغنون 
الرابط
الرابط
شوفو شكلو في الصوره فوق
مرررره ممتاز فادني كتير لما سويت صنفره لوجهي
وممتاز للاماكن الي فيها خطوط زي حولين الشفايف وتحت العين
تقيل مره مالو ريحه بس نتفه صغيره تكفي
مره عليه صجه مو طبيعيه احلى شي فيه حجمو مهما استعملتي مايخلص
ماينظف تمام يعني تونر منعش بس لازم قبلو تكوني منظفه بشرتك كويس لانو معروف التونر يقفل المسام ومره ماينفع تنقفل المسامات وهيا مو نظيفه😕
في فكره كانت في بالي من اول مااخدتو مره كان يذكرني بمست فيتامين اي من بودي شوب وفكرت اذا خلص راح اعبي العلبه بتونر الورد
وسبحان الله بعدها بفتره لقيت البلوقر اسماء المالكي سوت نفس الشي استعملتو كبخاخ وحمستني زياده عالفكره
اول شي مره حجمو بيبي ماااتوقعت كده من اول استعمال سوالي حساسيه في وجهي وماكنت عارفه من ايش
نسيتو فتره وراحت الحساسيه ورجعت يوم استعملتو لقيت الحساسيه رجعت عباره عن نقط حمرا صغيره كنها نمش تختفي بسهوله بالميك اب
تختفي بسهوله بالميك اب
عرفت انو منو وبطلت استعملو مره صراحه استغربت اول مره يصير معايا كده
صرت استعملو ليدي قيدو نتفه ويخلص
علبتو حلوه تنفع للشنطه😑
جل حب الشباب
اتكلمت عنو بالتفصيل في الانستا برضو من الاشيا اللي مااستغنى عنها️️️
️️️
كتير يمدحو الغسول تبعو ووحده من متابعاتي نصحتني استعملو انشالله الطلبيه الجيه lol
مره اتحمست عالريفيوز وطلبت دول الاتنين
اليمين استغفر الله كنو ريحه كافور😑😑😑😑 ( اتذكر ريحه الكافور لما غسلت بنت اختي الله يرحمها
) ومخلوطه مع لافندر😑 مو حلو ابدا
) ومخلوطه مع لافندر😑 مو حلو ابدا
الي عاليسار بطل 
عباره عن ستيك جامد يستعمل على مكان رطب يعني اول ماتخلصي الشور ويكون جسمك مبلول تستعمليه فنان ويطول بس اظن الي افرازات العرق كتير عندهم ماينفع
عباره عن ستيك جامد يستعمل على مكان رطب يعني اول ماتخلصي الشور ويكون جسمك مبلول تستعمليه فنان ويطول بس اظن الي افرازات العرق كتير عندهم ماينفع 
طحت على النوع دا وطلبت الكوكونت حسب الريفيوهات الي كاتبينها انو واااوووو وواوووو 
ولا كمان اخدت شامبو وكونديشنر اليمين واليسار
ولا كمان اخدت شامبو وكونديشنر اليمين واليسار
للاسف طلع 
ريحة كوكونت مصطنعه خفيف مررره ماينظف كويس ينفع للشعر الجاف ( اصلا اكتشفت لما استعملتو مكتوب عليه دراي هير) فادني لما صبغت شعري اومبري مايغير لون الصبغه ويرطب الاطراف
ريحة كوكونت مصطنعه خفيف مررره ماينظف كويس ينفع للشعر الجاف ( اصلا اكتشفت لما استعملتو مكتوب عليه دراي هير) فادني لما صبغت شعري اومبري مايغير لون الصبغه ويرطب الاطراف
حتى لايلان ماينفع ماينظفلها شعرها تمام
الي في الوسط بالتوت ريحتو مقبوله على شويه مصطنعه اخدتو لايلان وبرضو تنظيفو مو تمام
ماافكر اطلبهم تاني
ريحتو تذكرك بالافارقه بس نظافه مو شي تاني
حبيتو حلو للجسم وحتى للوجه ينظف من قلب ماشفت منو فايده غير النظافه ترطيبو بسيط لازم ترطبي جسمك بعدو الي يقولو لو فوايد زي يخفي خطوط اثار يفتح ماشفت شي من دول😑
مالقيت صورتو افتحو الرابط ( اضغطو عالاسم )
مرطب عادي يرطب كويس اهم شي مايقشر الشفايف مازلت مستمره عليه
البارت التاني 
المكملات الغذائيه
افضل افضل شي في ايهرب طلباتي الرئيسيه هيا المكملات بعدين افكر في العنايه
من سنتين تقريبا بدات اهتم بنفسي وتغذيتي وابطل ريجيمات هبله ورياضه شهر و٦ شهور اسحب والوزن ثابت من ٤ سنين مو راضي يتغير كلو من اسلوب تغذيتي
مناعة جسمي كانت مو تمام وامرض كل شهر تقريبا بالذات لو النفسيه زفت😑
المهم بدات اقرا كتير واثقف نفسي واتابع حسابات مهتمه بالسبورت والاكل الصحي وسويت انفلو لكتيييير حسابات طبخ وخراب وتاجرات يبيعو الكوكيز وانواع الحلا والخرابيط
دي اول خطوه ممكن الواحد يسويها لما يصحى لنفسو
والحاجه الاهم الموووووووووووووووويه من لما قلبت اسلوب حياتي اهتميت بالمويه وصرت اشرب واحسب لازم في اليوم اخلص من ٥ ل٦ قوارير لاااازم لااااازم وفعلا كل شي يزبط معاه
بعدها بدات احدد ايش احتاج كااضافات لوجباتي تعوض جسمي الي ناقصو
اول شي بدات بيه حبوب الكتان اخدتها من العطار وللاسف وصخه يبالها تنقيه😑😑 ايش الشغلانه دي كنت كل ماافضى اقعد زي امهات زمان انقي العيدان والحجار الصغيره( خير ماصارت)😑
ايش الشغلانه دي كنت كل ماافضى اقعد زي امهات زمان انقي العيدان والحجار الصغيره( خير ماصارت)😑
طبعا بالمعاناه دي مااحد حيلومني شهر وسحبت عالكيس كلو كنت ماخده كيلو قلك
اول ماطلبت من ايهرب طلبت الكتان المطحون flax seed وكانو كاتبين انو ينفع تستعمليه ماعرفت الصراحه وكتير كانو يقولو ماينفع يطول في التخزين بعد الطحن
المهم اني طلبتو وماحسيت بفايدتو مو زي الحبوب وغير اذا انطحن يصير لو طعم وانا افضل الحبوب لانو بدون طعم
برضو في كتير يقولو الحبوب لوحدها ماتجيب فايده( انا معايا جابت فايده) ومااحب اخدها الا كده وترا لقيت حبوب الكتان متوفره في مكه راح اقلكم فين في حسابي الانستا
Chia seeds
عشقققققق عششششق احبها ومااستغنى عنها في وجباتي بالذات السندوشات والعصيرات وطعمها يجنن اصلا مالها طعم وماتحسي بيها لانها صغنونه مره
مهما اتكلمت عنها ماحقدر اديكم فوايدها بالكامل ابحثو عنها لانو كل مابحثت الاقي فوايد اكتر للبشره والمناعه والجسم والشعر وفيتامينات وكالسيوم للعظام وللقلب و و و
خليت بنتي ايلان تحبها صارت معتمدتها مع سندويش الجبنه بنفسها تحط منها
تاني كيس استعملو ولو خلص حطلب تاني اكيد
جربت نوعين وكلها تمام التاني اوفر
sunflower Seeds
مره لزيز ولو مره فوايد كتير احب احطو عالسالاد ولبن الزبادي من فوايدو :
تقويه القلب والاوعيه الدمويه مضاد للاتهابات وقايه من السرطان تقويه للعظام ولصحه الجلد والاعصاب دي الي مشتهر بيها .. مقال يشرح فوايدها بالتفصيل الرابط
Quinoa
الشي الوحيد الي ماقدرت اتقبلو يمكن اختياري للنوع غلط لاني اخدت المكس التلاته الوان وطلع كل لون لو فتره معينه في الطبخ
يعني البيضا ماتاخد وقت كتير والحمرا مرره تطول اكتر من ربع ساعه 
حوسه
حوسه
سويتها كذا مره في السلطه اممم مشي الحال اهون من انها تتاكل لحالها افضل شي عجبتني مع الشاينيز فود كبديل للرز تطلع لزيزه مع الدجاج السمك الجمبري عالطريقه الصينيه
pumpkin seeds
فصفص حب ابيض نظيف ومقشر لو فوايد بس احس فيه نسبه دهون ماحبيتو مره
لو فوايد بس احس فيه نسبه دهون ماحبيتو مره
Organic coconut
حبببب️️️️ احبو مع الفواكه او العصيرات الفرش رشه صغنونه ليييششش لاني من عشاق الكوكونت ( اللي مايحبو ماحيتقبلو ) طبعا معروف فوايد جوز الهند مصدر للدهون المشبعه والياف ومكافحه الشيخوخه ويعزز المناعه والطاقه وغيرو وبما انو عالي السعرات فلازم نستعمل كميه محدده لتفادي زياده الوزن حتو ولو بطريقه صحيه
️️️️ احبو مع الفواكه او العصيرات الفرش رشه صغنونه ليييششش لاني من عشاق الكوكونت ( اللي مايحبو ماحيتقبلو ) طبعا معروف فوايد جوز الهند مصدر للدهون المشبعه والياف ومكافحه الشيخوخه ويعزز المناعه والطاقه وغيرو وبما انو عالي السعرات فلازم نستعمل كميه محدده لتفادي زياده الوزن حتو ولو بطريقه صحيه
راح اكتب تجربتي عن الحبوب دي وفي ايش فادتني في الانستجرام انشاءالله
الجرانولا
Granola
او الشوفان المحمص اااااخ عليه لزيز بشكل بالذات مع الفواكه اول ماجربتو في السناك بار بعدها صرت ادور عالجرانولا الكلام دا قبل يمكن ٣ او ٤ سنين للاسف ماالقيت جرانولا في اي سوبر ماركت في مكه وجده
برضو من الاشيا الي اتحمست اطلبها من ايهرب
اول نوع طلبتو دا جرانولا ساده محلايه شويه بعسل
طعمه ماتطفش ابدا استعملها بديل للكورن فليكس بما اني مره مااحبو
احطها عالفواكه ويوغرت لبن زبادي معاها او جريك يوغرت
النوع التاني قلت بغير عن الساده وطلبت بالدارك شوكلت والتوت
برضو لزيز بس عيبو كان متماسك شويه مع الشوكلت يعني مااقدر افتفتو عالفواكه بسهوله وطعم التوت المجفف مرره بيرفكت مع الفواكه
خلال السنتين الي فاتت لقيت انواع جرانولا بالذات في الدانوب جده جربت نوعين واحد طلع فيه فواكه مجففه ومن ضمنها الزبيب
مااحبو
مااحبو 
والنوع التاني دي صورتو من شركة كلوقز وكمان خفيف للدايت مررره طعم
ملاحظه( الجرانولا زي اي نوع اكل تاخديها بنسبه بسيطه ماتتجاوز نص كوب في اليوم بالذات لو ماكانت مخصصه للدايت وانتي تبي تنقصي وزنك)
زبده الفول السوداني بالدارك شوكلت
طعمه للي يحبو طعم الفول السوداني لانو واضح مع الشوكلت والي يقولو انها البديل الصحي للنوتيلا اقلهم طيرووو
مازلت ابحث عن بديل النوتيلا ولم اجده
عالعموم حبيت الزبده دي مع الفواكه بالذات الجرين ابل
كرسبي رايس
طلبت نوعين هوا بديل للكورن فلكس ومكوناتو صحيه اكتر من المتوفر عندنا
الوايت طلبتو ليا والشوكلت لايلان
ماشالله ايلان مرره حبت الشوكلت خلص وللاسف مالقيت كرتونو دي صورتو
الوايت يعني خفيف مره احيانا احطو مع موزه وملعقه زبده فول سوداني مره
اتحمست للشركه دي الريفيوز عالي وشكلها شيك
طلبت اورجانيك اوريغانو
مره حلوه ريحتو افضل بكتير من الي متوفره عندنا في السوبر ماركت ريحتها تصدع الراس
وفعلا تحسي اوريجانو اصلي يعطيكي الطعم واضح في البيتزا والمكرونه
اورجانيك بابريكا
استعملها اكتر شي في تكشينه الدجاج مااحس طعمها يبان الا لما ينخلط بشي تاني اهم شي مايخرب طعم الطبخه
نفسي اجرب الكاري انشالله الطلبيه الجيه :)
نجي للمخربات
ايهرب عندو مخربات بس في حدود المعقول
الدقيق افضل شركه عالميه للاسف ماالاقي منتجاتهم عندنا شركة
شوفو كميه انواع الدقيق لكل حاجه وفي بعض الاشيا مسوين انواع اول ماجربت اخدت نوعين
دقيق الشوفان
مع انو بسهوله تقدري تطحني اي نوع شوفان ويصير دقيق بس مافيا الصراحه ماندمت اني طلبتو واستعملتو في اشياء كتير سويت كوكيز ووافل ومره سويت كيكة الشوفان ومره طلعت لزيزه خلص ورميت كيسو دا رابطو وصورتو
الصراحه ماندمت اني طلبتو واستعملتو في اشياء كتير سويت كوكيز ووافل ومره سويت كيكة الشوفان ومره طلعت لزيزه خلص ورميت كيسو دا رابطو وصورتو
دقيق لكل الاغراض
طعمو شويه تقيل بس ينفع للكوكيز والوافل ماجربتو في شي تاني و مااظن حطلبو تاني
طحت عليه بالصدفه واتحمست للشركه معروفه انها لزيزه طلبتو ومره كنت متحمسه وسويت كوكيز وسحبت عالبراوني طلع لازم تخلطي النوعين مدري فكرتو مااستوعبتها وماافكر اطلب منو كوكيز بيتي كروكر اطعم
في حاجه طلبتها لاختي قبل سنتين واتحمست اجرب معاها
طلبت ٣ انواع حبوب نوعين تتحكم في الشهيه وترفع نسبه الايض حرق الدهون
والنوع التالت يزود الجسم بفيتامينات وبرضو يحسن عمليه الايض
الشاي الاخضر فاشل مالقيت اي شي منو
حبوب الكامبوغيا قلك افضل نوع يزيد عمليه الايض ويتحكم بالشهيه مره فاشل
مره فاشل
افضل نوع دا اساي بيري
بس عيبو يخليني احرق بسرعه واجوع بزياده واضطر اكل جربتها شهر ولما شفت فايدتو ماتناسبني تركتو
الحبوب جربتها قبل مااقتنع بتغير عاداتي الغذائيه قتلكم كنت اخبص والحمدالله انا افضل بدونها وانشالله ماافكر استعملها ابدا
للي يسال عادي تنشحن الحبوب من ايهرب لعندنا يب عادي مره طلبت لاصحاب اخواني ٦ علب ومشيت الحمدالله
حلويات عضويه
طبعا طلبتها لبنتي
عادي طعمها ماعجبها اتذكر اخدتها وزعتها على اصحابها في الروضه ههههه
الصوره الاولى اتحمستلها عشان بالفلفل مره خايسه
دي كانت تجربتي مع ايهرب خلال سنتين
ايهرب منتجاتهم كبيره في الحجم بالذات المكملات يعني تطول معاكي فتره انا اطلب مثلا وبعدها ب٤ شهور او اكتر افكر اطلب تاني
انشالله قريب اخلص البارت التاني مشترياتي من ايهرب
انشالله تستفيدو 
شكرا
UmElan
سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ
ليست هناك تعليقات:
إرسال تعليق