السلام عليكم
في دا البوست راح اتكلم عن تجربتي مع الفرش واذا تستاهل الشراء ومن فين وبكم واذا تعيش بعد ماتتغسل !!
اول شي واهم شي لازم تقتنعي انو الميكب اب بدون الفرش ماينفع
🏽
🏽
الي متعوده تحط الفونديشن بيدها اكبر غلط اصلا ماحيختلط صح مع بشرتك وممكن يسببلك حساسيه ولو كنتي متعوده فاانتي فوتي على نفسك افضل نتيجه للفونديشن ..
تعرفو انو يفرق اذا حطيتي بكذا نوع فرشه يعني اف ٨٠ سيجما نتيجتو فرق عن فرشاه الفونديشن ريل تكنيك مثلا فرق عن البيوتي بلندر كمان
والشادوز كمان مرررره فررررررررررررررق بالذات لو عرفتي الفرق بين الفرش
ماحتكلم عن انواع الفرش بالتفصيل راح اقلك عن افضل الفرش الي حتنفعك وتغنيكي عن الباقين
حتكلم عن كل نوع وبعدين عن الافضل للمبتدئات
ريل تكنيك
اول مابدات عالم الفرش لما بدات اثقف نفسي في الميك اب واتعلم من اليوتيوب اول فرش استعملتها هيا ريل تكنيك استعملها غسيل وكرف
وهيا اشهر شي والاغلب الي ينصح يتكلم عنها
وهيا اشهر شي والاغلب الي ينصح يتكلم عنها
مررره ممتازه وحلوه بس عيبها انواعها قليل وفي بعضها ماتستفيدي منها
نجي لملمسها ناعمه بس مو مرررره لما جربت غيرها طنشتها وصرت استعمل منها فرشتين اكتر شي راح اوريكم هيا في الاخير
الوحيده الي احسها افضل فرشه في مجموعات ريل تكنيك دي
اكتر فرشتين اكرفها واستعملها من ريل تكنيك
في يوتيبرز اجانب قالو انو فرش ريل تكنيك اذا اتغسلت بعفاشه ممكن تطيح الشعرات فانتبهو لدا الشي
فين تلاقو فرش ريل تكنيك بافضل سعر ( اضغطي على اسم الموقع يحولك عليه)
سعرهم ممتاز ويشحنو دايركت عالسعوديه مع تراك نمبر
اسعارها مابين ٣٧ ر للفرشاه ٦٧ ر للمجموعه يعني المجموعه اوفر بكتير
بالنسبه لشبيه البيوتي بلندر تبع ريل تكنيك جربتها ومشيت معايا تمام يمكن قربت سنتين استعملها دحين للاسف اتهلكت بالغسيل وانقسمت بالنص
لو تستعملي البيوتي بلندر جربي ريل تكنيك افضل وارخص
لو تستعملي البيوتي بلندر جربي ريل تكنيك افضل وارخص تاني نوع فرش (ارخص نوع)
بي اتش مره اسعارها مناسبه وانواعها تختلف من مجموعه لمجموعه جربت الفرش السنجل ومره عجبتني بالذات دي من كتر ماحبيتها اخدت وحده تانيه منها
بس لاحظت اذا اتغسلت تتشتعر الشعرات
يعني ماتنفع للكرف
في كذا مجموعه اخدتها من بي اتش وفعلا حسيت في فرق بينهم
الي اكتر شي حبيتها دي المجموعه
حقت كرف كم مره اغسلها وعايشه معايا واكتر من فرشاه استعملها يوميا واغسلها اسبوعيا والحمدالله ماشي حالها
في مجموعه اخدتها تقليد لمجموعه سيجما
ماحسيتها مره تمام
ومجموعات غيرها بس تمشي الحال
عموما ماركة بي اتش رخيصه وحلوه بس ككواليتي مو كل شي عندهم كويس
متوفره فقط في موقعهم الرسمي
من الفيفرت فرش سيجما
اخدت افضل مجموعه ناسيه بكم كلفتني كان في ديسكاونت واخدتها من اكتر من سنتين جدا جدا جدا جميله نعوووومه وملمس وكواليتي غسيل واستعمال وكرف من اجمل الفرش
لما جيت اخد كنت محتاره بين المجموعات وفضلت اخد شي مخصصه للوجه والحمدالله اتوفقت في اختياري
مجموعه رائعه وبستعمل اغلب الفرش الي فيها ودايما بغسلها تتنظف بسرعه وابدا ماتتغير ولا تتشتعر
يعني جد تحطي فلوسك فيها وانتي متطمنه وافضل افضل شي ممكن تاخديه للوجه هيا فرش سيجما
بالنسبه للكابوكي f80 ماحبيتها قد ماحبيت f82 للفونديشن اكتر فرشه تنهلك غسيل 
️
️
متوفره في موقعهم الرسمي وموقع امازون
الافضل تستني عروض الكريسماس والبلاك فرايدي يعملو ديسكاونت في موقعهم
زويفا الحب️
جدا جميله فخمه دلع
ماجربت غير مجموعه العين ومن اجمل النوعيات غسلتها ومااتغير فيها شي ناعمه وسهله في الاستخدام ماتنثر الشدو
اطلبيها من الموقع يشحن دايركت عالسعوديه مع تراك نمبر وتوصلك بسرعه في خلال اسبوع او اسبوعين بالكتير طبعا يطلبو فيزا ( فيزتي الراجحي تسوق)
جربت من زويفا مع الفرش حاجتين لونين من اكحالهم وروج
الروج عادي والوانهم محدوده
لكن اكتر شي طحت فيه الاكحال الي طلبتها
جدااااا ثابته وسهله وتنحط بسرعه وماتسيح
اكتر كحل اسود جربتو في حياتي اكتر سواد من اربن ديكاي ومايبيلين وانستازيا وماك وجفنشي وايف سان دي كلها جربتها وزويفا اتفوق عليها كلها
ححطلكم سواتش من النت
ميك اب ارتيست مستعمله الكحل الاسود من زويفا
اتحمست اجرب شدواتهم والبلشرات بس مره مكتفيه حاليا
فرش الباليتات
اكتر شي بستعمل فرش باليتات اربن ديكاي نيكد وفايس
ممتازه للشدو
فرش ايلف
دي ارخص نوع اظن الفرشاه بدولار ووقت الديسكاونت ب اقل
عاديه ماتنفع للدمج شعراتها خشنه شويه تنثر الشدو بس يمسك فيها لانها خشنه
.
.
فرشي الي استعملها يوميا
ميك اب خفيف - ميك اب الدوام
فرش الوجه
من اليمين
*فرشاه سيجما اف ٨٢ sigma roundkabuki f82
لتوزيع الفونديشن السايل بطططططله وافضل وانعم من اف ٨٠ مااستغني عنها ابدا واكتر فرشاه بتنكرف غسيل يوميا
*فرشاه سيجما اف ٨٦ sigma tapered kabuki f86
هيا مخصصه للكونسيلر وكنت ساحبه عليها بما انني مااحط كونسيلر في الميك العادي حق كل يوم الين مره شفت البلوقر سونا make up by sona تستعملها في توزيع الكونتور ومن لما جربتها طحت في حبها ومخليتها للكونتور تنحت مزبوط وماتبين الكونتور جامد
*فرشاه بي اتش مالها رقم ضمن المجموعه الي كتبت عنها فوق مخصصتها للبلشر جميله جدا ،وتبين البلشر طبيعي جدا
*فرشاه ريل تكنيك البفي real techniques buffing brush
دي رفيقتي في الدوام للفونديشن البودره اذا بعدلو
* فرشاه ريل تكنيك الكونتور برش real techniques contour brush
حتى دي مااستغنا عنها في شنطه الميك اب اذا بعدل الكونتور او البلشر
* اخر فرشاه بي اتش من نفس المجموعه الملونه مخصصتها للوز بودر او الفونديشن البودره لاخر تتش ناعمه عالبشره وماتكتل البودره عالوجه
فرش العين والكونسيلر
من اليمين
* فرشاه الكونسيلر من زويفا ١٤٢ zoeva concealer buffer 142
عاده مااحب فرش الكونسيلر بس دي غيرتلي رايي ناعمه وخفيفه وتخلي الكونسيلر يختفي ويندمج بسرعه مع البشره
* الفرشتين السنجل من بي اتش اتكلمت عنها فوق
* الرابعه من اليمين فرشاه سنجل من بي اتش مالها اسم او رقم تعجبني ماتنثر الشدو ولاتخربطو
*اخر فرشاه عاليسار من زويفا لكس سوفت ديفاينر ٢٢٧
دي الفرشاه لو عندك تغنيكي عن كل فرش الشدوز تحط وتركز الشدو وتدمجو
فرش الحواجب والايلانير وكونتور الانف
* من اليمين فرشاه تمشيط الحواجب مافيها شي مميز اي فرشاه نفس الشكل تؤدي لنفس الغرض
* فرش زويفا الوينج لاينر ٣١٧ ممتازه للحواجب وكمان للايلانير اتكلمت عنها بالتفصيل في حسابي الانستا
* فرشاه زويفا البرو لاين ٣٢٢ بطله للحواجب تبينها طبيعيه استعملها مع باليت الحواجب من سيفورا برضو كتبت عنها في الانستا
*فرشاه زويفا المعكوفه الفاين لاينر ٣١٥ كتبت عنها بالتفصيل في الانستا
* الصفرا فرشاه الايلانير من بي اتش ضمن المجموعه الملونه
* اخيرا عاليسار فرشاه كونتور الانف من بي اتش ضمن المجموعه الي مقلدينها زي سيجما
* بالنسبه للمبتدئات والتينيجرز خدو فرش بي اتش اوفر وارخص
* لو كنتي عروسه بتدبشي مثلا حسب الميك اب تبعك، بس كافضل شي وافخم سيجما وزويفا هيا التوب سعر وكواليتي
* ريل تكنيك كويسه وسعرها معقول بس افضّل زي ماقلت
🏽 سيجما وزويفا
🏽 سيجما وزويفا
* اذا ميزانيتك تسمح لاتاخدي غير سيجما و زويفا ماتختلف عنها ..
.
.
.
انشالله تكونو استفدتو 
شكرا ليكم
UmElan
سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ
ليست هناك تعليقات:
إرسال تعليق